Sastra

Berbicara tentang sastra jawa, kita tidak bisa terlepas dari seluk beluk tentangnya yang meliputi era sastra jawa, hasil karya sastra, dan para pengarangnya.

Pengertian dan Hakikat Sastra Jawa

Sastra menurut bahasa Sansekerta (Ḉastra) yang artinya tulis. Secara istilah sastra Jawa adalah segala bentuk pemikiran yang dicurahkan dalam bentuk tulisan sebagai medianya dengan menggunakan bahasa Jawa. Jadi, dapat disimpulkan bahwa suatu karya akan bernilai karya sastra jika sudah ditulis dan dibukukan. Hal ini disampaikan oleh Suparta Brata.

Wujud sastra Jawa, dibedakan menjadi dua:

1.      Prosa (gancaran), contohnya dalam bentuk novel, cerita cekak (cerkak), cerita gambar (cergam).

2.      Puisi (tembang), contohnya dalam bentuk lirik, geguritan, kidung, kakawin.

Selain itu, karena sastra berbicara tentang manusia dan kemanusiaan, maka sastra juga memuat seluruh aspek hidup manusia. Oleh karena itu terdapat berbagai kategori/jenis sastra berdasar pada sejarahnya:
a. Sastra Jawa Kuna
b. Sastra Jawa  Tengahan
c. Sastra Jawa Baru
d. Sastra Jawa Modern

DAFTAR PUSTAKA

Suripan Sadi Hutomo. 1975. Telaah Kesusastraan Jawa Modern. Jakarta: Pusat Pembinaan dan Pengembangan Bahasa Depdikbud.

Zoetmulder, PJ. 1985. Kalangwan, Sastra Jawa Kuno Selayang Pandang. Jakarta: Jambatan.

Sastra Jawa Kuna

Sebagian besar Sastra Jawa Kuna berbentuk Kakawin (puisi) yang menggunakan metrum India, tetapi terdapat juga yang berbentuk Parwa (prosa). Bahasa Jawa Kuna sering disebut sebagai Bahasa Kawi, akan tetapi sebutan Bahasa Kawi bagi Bahasa Jawa Kuna tidaklah tepat. Bahasa Kawi hanya berarti bahasa para Kawi, yakni para penulis Kakawin. Akan tetapi Bahasa Jawa kuna tidak hanya digunakan dalam Kakawin saja, Parwa juga menggunakan Bahasa Jawa Kuna sehingga sebutan Bahasa Kawi lalu menjadi terlalu sempit. Memang pernah ada penggunaan istilah Bahasa Parwa, tetapi sebagaimana sebutan Bahasa Kawi, sebutan Bahasa Parwa juga terlalu sempit, hanya mencakup sebagian saja, tidak mencakup semuanya seutuhnya.

Sastra Jawa Kuno yang terlestarikan sampai hari ini sebagian besar diturunkan dalam bentuk naskah manuskrip yang telah disalin ulang berkali-kali. Sehingga mereka jarang yang tertulis dalam bentuk asli seperti pada waktu dibuat dahulu, kecuali jika ditulis pada bahan tulisan yang awet seperti batu, tembaga dan lain-lain. Prasasti tertua dalam bahasa Jawa Kuno berasal dari tahun 804, namun isinya bukan merupakan teks kesusastraan. Teks kesusastraan tertua pada sebuah prasasti terdapat pada Prasasti Siwagreha yang ditarikh berasal dari tahun 856 Masehi.

Sedangkan naskah manuskrip tertua adalah sebuah naskah daun nipah yang berasal dari abad ke-13 dan ditemukan di Jawa Barat. Naskah nipah ini memuat teks Kakawin Arjunawiwaha yang berasal dari abad ke-11.

Sastra Jawa Kuna hidup pada abad IX- XVII, atau pada masa kejayaan kerajaan-kerajaan Hindu Jawa, yakni sejak Mataram Hindu sampai Majapahit. Karya-karya sastra Jawa penting yang ditulis pada periode ini termasuk Candakarana, Kakawin Ramayana dan terjemahan Mahabharata dalam bahasa Jawa Kuno. Lebih lengkapnya, karya sasatra Jawa Kuna ini adalah:

Daftar Karya Sastra Jawa Kuno dalam bentuk prosa

1. Candakarana
2. Sang Hyang Kamahayanikan
3. Brahmandapurana
4. Agastyaparwa
5. Uttarakanda
6. Adiparwa
7. Sabhaparwa
8. Wirataparwa, 996
9. Udyogaparwa
10. Bhismaparwa
11. Asramawasanaparwa
12. Mosalaparwa
13. Prasthanikaparwa
14. Swargarohanaparwa
15. Kunjarakarna

Daftar Karya Sastra Jawa Kuno dalam bentuk puisi (kakawin)

1. Kakawin Tertua Jawa, 856
2. Kakawin Ramayana ~ 870
3. Kakawin Arjunawiwaha, mpu Kanwa, ~ 1030
4. Kakawin Kresnayana
5. Kakawin Sumanasantaka
6. Kakawin Smaradahana
7. Kakawin Bhomakawya
8. Kakawin Bharatayuddha, mpu Sedah dan mpu Panuluh, 1157
9. Kakawin Hariwangsa
10. Kakawin Gatotkacasraya
11. Kakawin Wrettasañcaya
12. Kakawin Wrettayana
13. Kakawin Brahmandapurana
14. Kakawin Kunjarakarna, mpu "Dusun"
15. Kakawin Nagarakretagama, mpu Prapanca, 1365
16. Kakawin Arjunawijaya, mpu Tantular
17. Kakawin Sutasoma, mpu Tantular
18. Kakawin Siwaratrikalpa, Kakawin Lubdhaka
19. Kakawin Parthayajna
20. Kakawin Nitisastra
21. Kakawin Nirarthaprakreta
22. Kakawin Dharmasunya
23. Kakawin Harisraya
24. Kakawin Banawa Sekar Tanakung

Daftar Pustaka

Zoetmuder, P.J.1985. KALANGWAN: Sastra Jawa Kuno Selayang Pandang. Jakarta:Djambatan.

Sumber: http://id.wikipedia.org/wiki/Sastra_Jawa_Kuno

Sastra Jawa Tengahan

Bahasa Jawa Tengahan digunakan sekitar abad XVI, atau pada masa akhir Majapahit sampai dengan masuknya Islam ke Jawa. Sama seperti Karya Sastra Jawa lainnya, Karya Sastra Jawa Tengahan juga beewujud puisi dan prosa. Jika berbentuk puisi disebut dengan kidung sedangkan jika berbentuk prosa disebut dengan serat. Hanya saja, di dalam Karya Sastra Jawa pertengahan sebagian besar berbentuk Kidung (Puisi). Berbeda dengan Kakawin yang menggunakan metrum India, Kidung menggunakan metrum Jawa. 

Beberapa karya Kidung antara lain:
- Kidung Harsawijaya
- Kidung Ranggalawe
- Kidung Sorandaka
- Kidung Sunda
- Wangbang Wideya
- Sri Tanjung

- Kidung Sudamala

- Kidung Dewa Ruci  (Zoetmulder, 1985: 532).

Sedangkan beberapa contoh dari serat antara lain: 

- Pararaton

- Tantri Kamandaka

- Korawasarama

- Calon Arang

- Tantu Panggelaran

Sebagai contoh isi dari Tantu Panggelaran:

1. Awal keberadaan Tanah Jawa

2. Penciptaan Manusia

3. Proses terjadinya peradaban manusia

4. Pepalih-pepalih tata aturan tanah Jawa

Sumber: http://id.wikipedia.org/wiki/Sastra_Jawa_Pertengahan

http://id.wikipedia.org/wiki/Tantu_Panggelaran

Sastra Jawa Baru (Klasik)

Penggunaan Bahasa Jawa Baru (Klasik) kurang lebih muncul pada jaman kerajaan Kediri s/d Kerajaan Islam di Jawa, semakin berkembang saat Kerajaan Demak berkuasa. 

Berbeda dengan Sastra Jawa Kuna dan Sastra Jawa Tengahan yang tidak menyisakan sastra lisan, Sastra Jawa Baru masih meninggalkan sastra dalam bentuk lisan. Sastra Lisan kebanyakan berkembang dalam tradisi masyarakat lokal bersama folklor setempat. Sastra Lisan ini sering juga disebut sebagai Cerita Rakyat.

Gaya bahasa pada masa-masa awal masih mirip dengan Bahasa Jawa Tengahan. Setelah tahun ~ 1650, bahasa Jawa gaya Surakarta menjadi semakin dominan. Setelah masa ini, ada pula renaisans Sastra Jawa Kuna. Kitab-kitab kuna yang bernapaskan agama Hindu-Buddha mulai dipelajari lagi dan digubah dalam bahasa Jawa Baru.

Sastra Jawa Baru sering disebut dengan Karya Sastr Klasik karena karya-karya pada era ini memiliki ketahanan eksistensi yang kurang dalam masyarakat, maksutnya karya-karya yang lahir di era ini tidak hilang namun juga tidak terkenal. Selama abad XVIII dan XIX dikenal tiga belas nama tokoh pujangga besar, termasuk di antaranya dua raja Surakarta: PB II dan IV, seorang pangeran, dan dua adipati dari Semarang (Margana, 2004: 133). Beberapa pujangga itu antara lain:
- Pangeran Adilangu II
Pangeran Adilangu atau Kadilangu II adalah keturunan Sunan Kalijaga yang juga dikenal sebagai Pangeran Adilangu. Pangeran Adilangu II adalah pujangga semasa PB I dari Kartasura. Karyanya adalah Babad Pajajaran, Babad Demak, Babad Mentawis.
- Carik Bajra (wafat 1751)
Pada masa mudanya ia bernama Sarataruna yang bekerja sebagai juru tulis di rumah Tumenggung Kartanegara. Karena tulisan-tulisannya disukai Raja PB I, ia diminta untuk menjadi juru tulis istana dan memperoleh gelar Carik Bajra. Karyanya adalah Babad Kartasura dan Babad Tanah Jawi.
- Raden Ngabehi Yasadipura I (1729 – 1803)
R.Ng. Yasadipura I lahir di desa Pengging. Ayahnya adalah Tumenggung Padmanagara, seorang jaksa pada masa Kartasura. R.Ng. Yasadipura I adalah keturunan ke delapan dari Raja Pajang, Sultan Hadiwijaya atau Jaka Tingkir. Karya-karyanya adalah: Tajusalatin, Iskandar, Panji Anggreni, Babad Giyanti, Sewaka, Ambiya, Menak, Baratayuda (jarwa), Babad Prayut, Cebolek, Arjunawiwaha (jarwa), Arjunasasrabahu (jarwa), Rama (jarwa), Panitisastra (Kawi Miring), Dewa Ruci (jarwa), Babad Pakepung.
 

- Raden Ngabehi Yasadipura II (1756 – 1844)
R.Ng. Yasadipura II adalah putra R. Ng. Yasadipura I. Ia memiliki beberapa nama lain, yakni Raden Panjangwasita, R.Ng. Ranggawarsita I, dan Tumenggung Sastranagara. Karirnya sebagai penulis mulai berkembang pada awal abad XIX. Bersama-sama dengan atahnya ia menulis beberapa babad dan menerjemahkan beberapa karya Jawa Kuna. Ia diangkat sebagai pujangga kerajaan setelah ayahnya wafat. Ia juga bekerjasama dengan Kiai Ranggasutrasna, Kiai Ngabehi Sastradipura, dan Pangeran Adipati Anom Hamengkubuwana III (PB V) menyusun Serat Centhini.
Karya-karya Yasadipura II antara lain: Serat Arjunasasra atau Serat Lokapala, Serat Darmasunya, Serat Panitisastra, Serat Kawidasanama, Serat Ambiya, Serat Musa, Serat Sasana Sunu, Babad Pakepung, Serat Wicara Keras, dan Serat Centhini. Kemungkinan bersama CF Winter ia juga menggubah Serat Baratayuda dan Serat Ramayana.
 

- Raden Ngabehi Ranggawarsita (18 Maret 1802 – 23 Desember 1873)
R.Ng. Ranggawarsita adalah putra Raden Ngabehi Panjangswara atau Raden Ngabehi Ranggawarsita II; atau cucu Yasadipura II. Nama kecilnya adalah Bagus Burhan. Karya R.Ng. Ranggawarsita diperkirakan berjumlah enam puluh serat. Di dalam beberapa karyanya R.Ng. Ranggawarsita menyamarkan namanya ke dalam sandi asma. Beberapa karyanya juga memuat ramalan. Karya-karya yang banyak dikenal masyarakat antara lain: Serat Kalatidha, Serat Jaka Lodhang, Serat Sabdajati, Serat Wirid Hidayat Jati, Serat Pustakaraja Purwa, Serat Jayengbaya.

Hasil karya dari Sastra Jawa Baru (Klasik), dibagi seperti berikut:

1. Serat Piwulang: sastra yang isinya lebih dominan tentang pelajaran/nasihat/pendidikan, munculnya sekitar jaman Mataram-Keraton Surakarta. Para pujangga berasal dari sastrawan keraton. Hasil Karyanya: Serat Cemporet, Serat Wulangreh, Serat Sunasunu, Serat Tripama, Serat Wedaraga, dan Serat Wulangputri.
2. Serat Babad: sastra yang muncul dengan tujuan untuk menceritakan tentang munculnya suatu daerah/tempat. Hasil karyanya: Babad Mangir, Babad Tanah Jawi, dan Babad Demak.
3. Sastra Pewayangan: Muncul pada masa Mataram Baru. Hasilnya: Serat Nawaruci, Serat Sudamala, Serat Sri Tanjung, Serat Kandha, Serat Begawan Ciptaning dan Serat Gathutkacawinisuda.
4. Sastra Suluk: Suluk Linglung dan Suluk Hidayatjadi.
5. Sastra Roman: memiliki dua bentuk yaitu prosa (Ngulandara, Rijanta dan Kinanthi) dan Syair (Centhini dan Safitri).

Rujukan:Buku Kalangwan Selayang Pandang  
Sumber: http://id.wikipedia.org/wiki/Sastra_Jawa_Baru

Hasil Karya Sastra Modern (pra kemerdekaan)

Karya Sastra Modern dibagi menjadi tiga periode:

1. Abad 30-an (Zaman Belanda), pada periode ini lebih didominasi oleh karya sastra berbentuk puisi (tembang). Pujangga yang terkenal dalam periode ini yaitu Rongsang Tuban (1913, Surakarta) dan Pustaka Raja Purwa (1913, Surakarta). Hasil Karyanya seperti Serat Pathibasa, Serat Paramayoga, Paramasastra dan Layang Madukara.

2. Abad 60-an, pada periode ini terjadi perkembangan yang sangat pesat. Banyak pengarang yang memasangkan karya-karyanya di Majalah Jayabaya, Suara Jawa, Sekar Sumawur, Medan Basa Dasa Tawi Kumandhang, Sabda Pepalor, Gumregah Dharma Kandha, Parikesit, Panjebar Semangat dan Joko Lodhang.

3. Abad 80-an, pada abad ini karya-karya yang dihasilkan lebih kepada karya-pustaka seperti kamus dan lainnya. Pada masa ini tidak banyak ditemukan karya struktural atau klasik dan lebih banyak kepada karya sastra berbentuk prosa. Seperti: Detektif Handoko (Suparto Brata), Bausastra, Ensiklopedi, Naskah Drama dan Silangman.

Geguritan


Geguritan yaiku wohing susastra kang basané cekak, mentes lan éndah.

• Cekak yaiku ora wujud ukara sing nggladrah
• Mentes yaiku tembungé duwé makna kang jero.
• Éndah ngemu purwakanthi swara, sastra utawa basa.
• Tetembungane pilihan

Geguritan asalé saka tembung "gurit", kang ateges kidung utawa tulisan kang awujud tatahan. Satemene yen dicocogake antarane teges (batasan pengertian) karo kasunyatan wujud utawa wangune geguritan iku kaya adoh susate. Dadi teges kang wis diandharake iku mau babar pisan ora cocog karo kahanane geguritan kang ana. Maksude mangkene, geguritan iku satemene pancen dudu sabangsane tembang utawa kidung. Geguritan iku babar pisan ora padha karo tembang utawa kdung. Jalaran tembang utawa kidung iku anggone nyuwarakake nganggo wewaton/ paugeran/ aturan kang wujude titi laras (notasi). Kamangka geguritan pamacane ora nganggo weewaton titi laras (notasi). Déné geguritan ing kéné, ateges rumpakan kidung kang mawa paugeran gumathok, yaiku:

• Cacahing gatrané ora tartamtu, nanging apese 4 gatra.
• Saben-saben sagatrané guru wilangan lan guru lagu padha waé, runtut mawa purwakanthi guru swara.
• Lumrahe kabuka utawa kawiwitan srana ukara: "Sun anggegurit".

Geguritan iku kalebu puisi Jawa modhèrn, amarga ora kaiket ing aturan kayadéné tembang. Geguritan bisa karipta amarga ana ilham utawa inspirasi (angen-angen). Geguritan mujudaké karya kang sipaté pribadi, mula geguritan panganggit siji lan sijiné béda-béda. Angen-angen kang ana sajroné pikirané pengarang banjur diolah supaya dadi geguritan kaya kang dikarepaké panganggit. Kanthi mengkono, geguritan iku basané katon éndah, bisa migunakaké purwakanthi, dwipurwa, seselan lan liya-liyané. Geguritan iku duwèni nilai- nilai utawa amanat kang bisa kapethik kanthi diparafrasakake dhisik. marafrasakake geguritan iku ateges nganalisis utawa ngudari ukara- ukara geguritan iku supaya maksudé bisa katangkep. Geguritan iku kawujud saka téma, pamilihane tembung uga nganggo sarana rétorika lan majas.

Kaendahane geguritan gumantung marang: (1) pilihan tembung (diksi); (2) lelewaning basa (majas); (3) digunakake ing saben dina. Geguritan migunakake basa kang ringkes nanging sugih teges. Tembung kang digunakake yaiku tembung kias (entar) kang akeh penafsirane.

A) Unsur Geguritan.

1) Struktur Fisik

a) Pamilihe tembung (diksi). Tembung ing geguritan asil saka pamilihe tembung kanthi setiti. Tembung ing geguritan nduweni ateges entar (kias).

b) Pengimajinasian. Tembung ing geguritan bisa nuwuhake khalayan. Kanthi khayalan kasebut kang maca lan ngrungokake bisa melu ngrasakake, ngrungokake, lan ndeleng sawijining bab kang ditulis dening penyair.

c) Lelewaning basa (Majas) yaiku tembung kang digunakake penyair kanggo nyaritakake sawijing bab kanthi cara mbandhingake karo barang utawa tembung liyane.

d) Purwakanthi (Rima/ritma) yaiku mbaleni swara (vocal), mbaleni tembung, kelompok tembung (frasa) utawa mbaleni ukara.

2) Struktur Batin. Struktur batin ing geguritan kaperang dadi papat, yaiku (1) bakuning gagasan/ tema (sense); (2) pangrasane penyair; (3) nada utawa sikap penyair marang “pembaca”; (4) amanat/ pesen. Ngenani unsur batin dibahas ing bab sabanjure.

(Sumber: Mujiono. Jati Dhiri Basa Jawa. Ponorogo: MGMP Guru.)

Sumber liyane: http://jv.wikipedia.org/wiki/Geguritan

http://ithinkeducation.blogspot.com/2012/12/geguritan-puisi-bahasa-jawa-javaneses.html

Menulis Geguritan


Bagi seorang pemula, membuat geguritan itu tidaklah mudah karena kita harus pintar merangkai kata berdasar pilihan diksi yang tepat.
Oleh karena itu ggeguritan dibagi menjadi dua, yaitu:

1. Geguritan Profan, yang berarti geguritan dengan menggunakan diksi sehari-hari sehingga penyampaian maknanya lebih mudah dipahami dan  tetap mengutamakan keindahan dari geguritan tersebut.
2. Geguritan Prismatis yaitu geguritan dengan menggunakan pilihan kata yang lebih sulit untuk dipahami sehingga memerlukan penggalian secara mendalam untuk memahami makna semantinya.

Menanggapi postingan sebelumnya, dalam membuat geguritan pengarang harus memperhatikan diksi, imajinasi, majas, ritmik dan makna semantiknya. Diksi sangat penting dalam membangun makna semantik yang akan disampaikan oleh pengarang. Diksi ini memberikan makna `lebih' terhadap geguritan. Imajinasi berfungsi untuk membawa pembaca untuk ikut merasakan apa yang disampaikan oleh pengarang. Majas memberikan keindahan estetika dalam penulisan geguritan. Ritmik adalah jatuhnya suara yang membuat geguritan itu enak untuk dibacaa. Geguritan dikatakan berhasil/bagus, jika geguritan tersebut dapat membangun arti dalam makna semantiknya.

Secara garis besar, pembuatan geguritan ditahapkan sebagai berikut:

• pencarian ide
• pengendapan ide/perenungan (penggalian ide secara mendalam)
• penulisan
• editing dan revisi

. Cara menulis Geguritan:
a. Mengidentifikasi beberapa pengalaman menarik yang telah dialami.
b. Memilih salah satu pengalaman yang mengesankan sebagai bahan untuk menulis sebuah geguritan.
c. Menentukan dan menulis pilihan kata yang tepat, indah, dan bermakna untuk dijadikan bahan dalam menulis geguritan.
d. Menulis larik-larik geguritan berdasarkan pilihan kata yang tepat.
e. Menyunting geguritan yang telah ditulisnya sendiri maupun yang ditulis temannya.

Contoh Geguritan

KORUPTOR

Dening Nunuk Kheran

Apike di dhor

Amarga marakake tekor

Kanggone rakyat

Koruptor kudune ora kena

Urip ana ing Indonesia

Amarga jatahe rakyat

Diembat lan disikat

Lunga kana koruptor

Ayo menyang jabalakat

Koruptor, elinga

Marang tumindakmu

Akeh wong kesrakat

Kang perlu dirumat

Elinga kowe koruptor

Marang dina kiyamat

 Penjebar Semangat;Nomor 49. 7 Desember 2013

Yèn Rembulane Moblong, Paman

Dening I. Kunpriyatno

yén rembulané moblong, paman

aku kangen sanja menyang plataranmu

nggelar klasa sangisore wit gayam

jejadhuman karo ngematké swarané

bocah – bocah sing padha dolanan

yèn rembulané moblong, paman

aku kangen ngrungokake gumelegeré guyumu

sanadyan sawah lan tegal siji mbaka

siji ilang. Sanadyan anak lanang

milih ngumbara ing paran

suthik ngopèni lemah warisan

yèn rembulané moblong, paman

aku kangen nyekseni marang keteguhanmu

nggegem sawijining kapitayan. Ngadhepi

owah – owahané jaman. Kaya watu karang

sing ora nate gigrig nantang jumlegurè

alun ing satengahé wahudayan

 Penjebar Semangat;Nomor 50. 12 Desember 2009

 

Marang Banowati

Dening Irul S Budianto

aja koksengguh aku ora ngerti, yayi

geneya rembulan cuwil ing wengi iki

jemparinge Janaka kebacut lumepes

tumancep dhadha bareng keteg-wiramane napas

aja koksengguh aku ora ngerti, yayi

geneya tamansari sansaya endah lan wangi

tresna sing kokronce saben sore karo dheweke

kuwawa nggogrokake godhong-godhong aking kae

senajan durung wancine

tumiba ing lemah pidakan iki

aja koksengguh aku ora ngerti, yayi

critane rembulan cuwil lan endahe tamansari

yen mengkone Astina klakon bedhah

lungide misteri bakal ancik-ancik sirah

 Penjebar Semangat;Nomor 46. 16 Nopember 2013

Cara Membaca Geguritan yang Baik


Ketika kita ingin menyampaikan/membaca geguritan, kita harus bisa membawa penikmat geguritan itu ikut serta dalam merasakan apa yang kita sampaikan. Oleh karena itu ada beberapa hal yang harus diperhatikan dalam menyampaikan isi geguritan, yaitu:

1. ekspresi / mimik wajah
ekspresi adalah pernyataan perasaan hasil penjiwaan puisi. Sedangkan mimik adalah gerak air muka yang digambarkan oleh pembaca geguritan.
2. kinesik
kinesik adalah gerak angota tubuh untuk menggambarkan isi dari geguritan tersebut.
3. kejelasan artikulasi
artikulasi adalah ketepatan dalam melafalkan kata-kata dalam penyampaian geguritan.
4. timbre
timbre adalah warna bunyi suara (bawaan) yang di milikinya
5. irama puisi artinya panjang pendek, keras lembut, tinggi rendah nya suara.
6. intonasi atau lagu suara.
7. mengatur pernafasan, artinya pernafasan haruslah diatur dan jangan tergesa-gesa dalam pengucapannya.


Berikut adalah contoh video pembacaan geguritan:

Cerita Cekak (Cerkak)


(Sumber: Mujiono. Jati Dhiri. Ponorogo:MGMP Basa Jawa.)

                Cerita Cekak kang uga diarani cerkak iku yen dideleng saka wujud utawi blegere pancen mujudake sawijine cerita kang cekak. Yen ta ditulis ing lembaran kertas ngono lumrahe kurang luwih sepuluh lembar. Yen ta diwaca Cerita Cekak iku ora nganti sak jam rampung. Kejaba saka iku yen ta dideleng saka cacahe paraga (tokoh) cerita, ing cerita cekak paragane mung sethithik banget bisa uga mung wong loro nganti wong lima. Pancen ing Cerita Cekak iku masalah utawi konflike (reruwete cerita) ora akeh (tidak kompleks) jalaran carita kang diandharake uga cekak. Mligine ing jagade (khasanah) kasustraan Jawa, Cerita Cekak iku diperang utawi digolongake dadi 3 jinis utawi genre. Iki cundhuk karo kang diandharake dening Prof. Dr. Setya Yuwana Sudikan M. A. (salah sawijining Guru Besar Sastra saka Universitas Negeri Surabaya), yen kang tinemu ing kalawarti (majalah) basa Jawa iku pancen nuduhake kanyataan babagan anane genre mau.

Dene genre (jenis) Cerita Cekak mau yaiku: Cerita Cekak sejati (kang ing kalawarti mung ditulis cerkak wae), roman sacuwil utawa roman remaja (manja), lan carita alaming lelembut.

                Cerita Cekak telung jenis iku duwe ciri wanci (kekhasan) lan pandhemen dhewe-dhewe. Mula saka iku ing kalawarti Panyebar Semangat lan Jaya Baya tansah ngemot (memuat) lan nyuguhake Cerita Cekak jinis mau. Istilah, aran utawi jeneng Cerita Cekak iki ana ing kalawarti Jaya Baya lan Panyebar Semangat, iku wis padha. Nanging jeneng cerita roman utawi roman sacuwil iku dienggo dening Kalawarti Jaya Baya. Dene ing Panyebar Semangat diarani crita roman remja kang banjur dicekak “manja”. Cerita alaming lelembut, dienggo ing kalawarti Panyebar Semangat, dene ing Jaya Baya diarani cerita misteri. Apa kang dadi isi lan kang diceritakake dening telune jinise (genre) cerita mau pancen beda banget. Ing cerita cekak kang banjur diarani cerkak, kang dianggep minangka sejatine cerkak (cerpen yang sesungguhnya) iku ngemot (memuat) cerita kang isine mentes (berbobot). Ing cerkak iki sapa bae kang maca disuguhi ing sawijining masalah, diajak mikir lan diajak ngonceki masalah nganti bisa ngudhari ruwete masalah mau. Ing cerkak iki para pamaca ora mung dilelipur (dihibur) nanging uga diajak latihan mikir lan ngudhari masalah kang tundhone (yang akhrinya) para pamaca bisa dadi pinter.

                Dene kang ana ing cerita roman sacuwil apa dene roman remaja iki para pamaca bakal oleh panglipur kang nyata. Ing kene ora ana masalah kang kudu dipikur utawi diudhari. Para nom-noman, lan sapa bae kang lagi nandhang kasmaran, lan wong tuwa sing kepengin “bernostalgia” ing jaman nom-nomane mesthi seneng maca cerita cerkak iki. Kanthi maca cerita roman iki sapa bae bisa ngumbarake (mengembarakan) rasa sih katresnane nut ilining cerita kang diwaca. Rasa asmarane bakal kegugah. Sawise maca pikolehe rasa seneng jalaran lelakon ing cerita mau padha utawi nyrempet karo kang dilakoni, sedhih jalaran katresnane ora ketekan, trenyuh jalaran katresnane punggel (tragis), lan sapiturute.

Jinis utawi genre cerita alaming lelembut iki ora kena dianggep padha karo dongeng utawi wacan bocah, jalaran cerita iki pancen dudu wacane bocah. Kang memaca cerita alaiming lelembut utawi cerita misteri iki golongane remaja nganti wong dewasa. Pancen ora kena diselaki yen bebrayan utawi masyarakat Jawa iku percaya banget marang anane dhemit, gendruwo, setan, dhanyangan lan bangsane lelembut liyane. Isine cerita alaming lelembut iki ora tinemu nalar nanging akeh para pamaca kang seneng maca cerita iki jalaran kaya bisa nggawa dheweke ing alam gaib. Sawijining alam ora bisa dijangka utawi diambah kanthi badan wadhag (jasmaniah) nanging alam kang mung bisa diambah karo badan alus (rokhaniah) lan keyakinan utawi kapitayan. Kejaba saka iku para kang maca oleh pengalaman anyar kang ora bisa digayuh lan diprangguli ing alam nyata.

                Genre utawi jinis cerita cerkak kang diandharake ing dhuwur iku mau durung bisa dirembug (dibahas) bebarengan. Nanging, saorane para siswa wis bisa oleh gambaran yen kang diarani cerkak iku ing kasustraan Jawa ana telung (3) jinis.

Sabanjure kang minangka dudutan (simpulan) cerita cekak (cerkak) yaiku:

1) Cerkak iku cekak banget yen katandhingake karo roman lan novel.

2) Yen ditulis kurang luwih mung 10 lembar.

3) Yen diwaca ora nganti mbutuhake wektu 1 jam.

4) Paraga ceritane uga sethithik, 2 nganti akeh-akehe 5 paraga,

5) Perkara utawi masalah utawi konflik uga sethithik ora dawa kadlarung-dlarung.

 

Sumber: http://ithinkeducation.blogspot.com/2012/12/nyemak-carita-cerkak-ten-basa-jawa.html

UNSUR-UNSUR INTRINSIK CERKAK

(Sumber: Mujiono. Jati Dhiri. Ponorogo:MGMP Basa Jawa.)

A)    Tema (Underane kang minangka bakuning gagasan).

Tema iku minangka bakune gagasan kang kawedhar (kalairake/ dicurahakan) dadi sawijining cerita. Mula uga kena diarani yen tema iku dadi underane (pusat) cerita. Jalaran apa kang kababar ing cerita iku asal usule saka kene, ya saka gagasan pokok mau. Pangripta (pengarang) ora mung cerita kaya dene obrolan kang tanpa guna nanging ana bab kang pe\ingin diomongake. Dheweke ngomongake masalah kang gegayutan karo urip lan panguripane manungsa kang tundhone ngajak mikir amrih wong padha mangerteni tatanan utawi pernatan urip kang luwih becik. Tema ing cerita cekak (cerkak) iku beda karo tema kang ana ing cerita wacan bocah. Ing cerita utawi dongeng wacan bocah lumrahe tema iku manggon ing pungkasane cerita kang uga lumrah diarani liding dongeng. Dene ing cerita cekak (cerkak) iku, temane (bakune gagasan) pancen rada angel digoleki jalaran manggone sok-sok sumebar ing sajroning cerita. Mula saka iku tema cerita iku bisane ketemu sawise diwaca nganti rampung. Yen wis diwaca nganti rampung durung ketemu “tema” cerita mau padatan dislamurake (disamarakan) ing: irah-irahan, omongan-omongane, pikirane, prasaanane para paraga, prastawa-prastawa, setting (wektu, papan, swasanane, prastawa cerita). Dene anggone nulis utawa ngomongake tema cerita mau bisa arupa tembung, frasa utawa ukara.

B)    Latar (Setting).

Yen ngrembug latar (setting) ing cerita rekan (fiksi) iku satemene ora mung ngrembug asal-usul, mula bukane, kawitane, wektu kadadene lan papan panggonan sawijining prastawa bisa kedadeyan. Nanging luwih saka iku, latar satemene ngrembug uga panggonan umum (padesan, pagunungan, kutha utawa Negara), panggonan khusus (omah, kamar utawa papan cilik liyane), wektu kasejarahan, adat tata carane masyarakat, pakaryan sarta lingkungan: agama, moral, social, intelektual lan liyane. Kang kaya mangkene akehe saka apa kang diwengku dening latar (setting) iki mesthi bakal mahanani (memberi pnegaruh) marang isine cerita cekak (cerkak) mau. Tuladhane mangkene; yen kita nyritakake masyarakat padesan, ing kene lumrahe digambarake yen wong padesan iku uripe isih kecingkrangan, isih akeh kang buta hurup, nyandhang panganggone, sarta mangane sarwa prasaja (sederhana), masyarakate guyup rukun lan liyane. Lan dadine aeng (aneh) yen masyarakat padesan iku digambarake urip kang mubra-mubru, sugih, intelek, nyandhang penganggone sarwa mewah, wonge padha ora kenal siji lan sijine. Mula saka iku papan panggonan uga ana gandheng cenenge karo kahanan “mental kejiwaan” para paragane sarta masalah (konflik) kang diadhepi.

C)    Paraga (Tokoh Cerita) lan Watake (karakter). 

Paraga yaiku wong kang dadi lakon. Lumrahe paraga iku ketaman (tertimpa) sawijining perkara. Perkara kang disandhang dening paraga mau bakal kagawa wiwit awal nganti pungkasan. Saengga dadi rerangkenen cerita (jalinan carita). Abot enthenge perkara utawi masalah kang disangga dening paraga siji lan sijine iku mesthi bedane. Mula saka iku ing kene paraga, iku bisa diperang dadi telu: yaiku (1) paraga utama, (2) paraga kaloro (sekunder) lan (3) paraga tambahan (komplementer). Paraga utama iku kang nggawa lakon (mengembang cerita) dadi lakon (menjadi pelaku cerita) lan uga kang diceritakake dening paraga liyane. Dene paraga kaloro (sekunder) yaiku paraga kang mbiyantu paraga utama lan sok malah ana kang malah memalangi (menjadi panghalang/ memasuhi) paraga utama. Dene paraga tambahan iku paraga kang saliyane paraga utama lan paraga kaloro. Paraga ing sajroning cerita iku uga diwenehi watak memper (mirip atau menyerupai) watake manungsa ing alam nyata. Watake manungsa ing alam nyata iku ngremit (kompleks) ananging watake paraga cerita iku prasaja bae (sederhana), lire (maksude) prasaja yaiku, pangripta mung nengenake saperangan (sebagian) watak kang paling manjila (menonjol).

Dene carane nemokake watake paraga cerita kang ing ngisor iki:

1) watake paraga crita katon saka solah bawa, polah tingkahe,

2) watake paraga crita katon saka pangucape, omongane, alus utawi kasar tembunge nalika wicaran.

3) watake paraga katon saka kahanane badan salira, deg piyadeg, praupan (rai) nyandhang panggone lan liyane.

4) watakae paraga crita lakon saka gagasan, pikiran, paka kang digagas utawa apa kang dipikir.

5) watake paraga crita katon saka rerasane (perbincangan) paraga carita liyan, dan sebagainya.

D)    Point of View utawa Sudut Pandang

Point of View yaiku dununging utawi jejering pengarang ing sajrone crita kang diandarake. Jejering pengarang ana rong jenis, yaiku jejering (kedudukan) minangka wong kapisan lan minangka wong katelu kang minangka pengamat. Jejering pengarang minangka wong kapisan, Manawa penganrang dadi paraga ing sajroning carita sarana nggunakake tembung “aku”. Dene pengarang minangka wong katelu menawa pengarang migunakake tetembung “dheweke, panjenengane, utawa nyebutake jejeneng tanpa ngliatakae awake dhewe”.

Tuladha: pangarang minangka wong kapisan.

                Tekaane mahasiswi sing arep skripsi ing omahku ngungkat lelakon kang wis lawas kependhem. Dheweke ngaku aran Tukiyem, bocah saka Pacitan. Ya jeneng Pacitan iku sing njalar aku kelingan lelakon sing wis kasilep meh setengah abad.

Tuladha: pangarang minangka wong katelu

                Budi yakin, wong papat sragam abu-abu kang mentas metu saka Bank BPR Jatim Cabang Kantor Jalan Thamrin Ponorogo iku genah anake Kepala Sekolah SDN Wringinanom Sambit sing mentas nyetor dhuwit. Tandhane padha seneng rupane.

E)    Amanat

Amanat yaiku piwulang moral utawi pendhidhikan kang katujokake marang pamaca. Amanat ing carita cekak dening pangarang disebarake ing carita kasebut. Mula kanggo nemokake amanat perlu maca carita kanthi tuntas.

F)     Sambung rapete utawa Gandheng

Sambung rapete cenenge (Relevansi) crita karo kanyatan ing bebrayan (Masyarakat). Kaya kang wis diandharake ing ngarep yen pangripta gawe crita iku duwe sawijining tujuan. Wose (inti) tujuan mau yaiku ngajak bebrayan (masyarakat) bareng mikir marang sawenehe kahanan kang tundhono (pada akhirnya0 bisa agawe kahanan ing bebrayan iki dadi luwih becik. Kejaba saka iku, pangripta iku uga manungsa, kang dicritakake uga lelakone manungsa kang diprangguli (ditemui) ing madyane bebrayan (di tengah masyarakat). Mula saka iku yen di goleki gandheng cenenge karo kanyataan iku mesthi ana. Mung bae sapira gandheng cenenge utawa sambung rapete karo kahanan bebrayan iku, kita kudu pinter ngadhuk utawi ndhudhah.

G)   Nemokake perangan kang Nengsemake utawi Nyenengake saka Cerita Cerkak

Bisaa gawe seneng lan bisaa gawe marem para kang maca iku uga dadi tujuane pangripta. Pancen diajab dening pangripta, sawuse maca crita cerkak iku para kang maca bisa nemokake sawijining lelipur (hiburan) lan kasenengan (kepuasaan) ing sajroning batin. Lelipur karennaning ati lan kesenengane ati iku saben wong siji lan sijine beda. Dene kang dadi sebabe yaiku: jaralan basane endah, jalaran isine cerita ngandhut: piwulang sesurupan (pengetahuan0 kang cocog karo kang dibutuhake, jalaran bisa sinau wewatake manungsa utawa kepincut saka watake salah sawijine paraga kang paraga mau bisa dadi pepujane, jalaran maca crita iku akeh manfaate, sarta akeh kang bisa dituladha kanggo sangu urip bebrayan, lan liyane.

Sumber:http://ithinkeducation.blogspot.com/2012/12/nyemak-carita-cerkak-ten-basa-jawa.html

Contoh Cerkak

Teror Pitik
Dening Fitrianingsih

Ana ing tengah wengi iki Suprapti ora bisa turu. Sinaosa sansaya wengi kuwi hawane sansaya adhem nyenyet, nanging ya tetep ora bisa gawe Suprapti turu ayem. Dene bojone, si Pardi wis wiwit turu jam sepuluh mau. Sajake ana sing dipikirake Suprapti saengga ndadekake dheweke ora bisa turu nganti jam loro esuk iki. Mbuh apa kuwi ora ana sing ngerti.

            Ngancik jam setengah telu esuk, si Pardi ngrasa keganggu karo polahe Suprapti kang klesak klesik mau, banjur nggregah tangi lan nakoni lirih kanthi mripat kang isih riyep-riyep. Geneya kok Suprapti ora bisa turu nganti jam semene kuwi. Nanging anehe, Suprapti ora bisa mangsuli lan ora ngerti apa sebabe dheweke ora bisa turu nganti jam semene. Sajake atine ora tenang. Kaya-kaya bakal ana kadadeyan ala kang kelakon. Nanging apa kuwi ya Suprapti ora ngerti. Kanthi premati Pardi ngrungokake pangrasane bojone, banjur Pardi ngakon bojone ngademake pikire lan ndang turu.

            Sesuke, pas jam setengah lima esuk Suprapti menyat tangi saka bale arep nyapu latar kayak biasane.

            “Aaaaaaaa..... Pak Pak’e...” jerite Suprapti sak wise ngeti ana pitik mati guprat getih ing ngarep lawang omahe.

            Pardi kang isih aras-arasen ana ing bale, langsung gumregah menyat tangi nututi suwarane bojone kang njerit mau. Kriyep-kriyep mripate ora digagas karo Pardi.

“Ana apa ta bu? Esuk-esuk kok njerit ngono kuwi? Gawe kagete wong wae!” ujare Pardi kang kaget.

            “Kuwi lho, Pak... Ana pitik. Hiiii.... Iku Pak, ana pitik mati guprat getih ning ngarep omah. Hiiii...” wangsulane Suprapti kanthi gigrik mengkirik nudingi njaba omah.

            Banjur Pardi metu marani tudingane Suprapti. Sanalika mak tratap atine Pardi nalika ngerti ana pithik mati guprat getih ning ngarep omah. Sajake iki pitik ora pitik kang mati wajar lan ora sengaja bisa mati ing ngarep omahe. Nanging yen ngeti kahanan pitik kuwi mau, Pardi bisa nyimpulake yen pitik mau kirimane wong kang ora sreg karo kaluwargane. Ing bathine, “Dhuh Gusti, kadadeyan apa iki? Sapa kang ngirimi pitik mati iki?” Banjur Pardi age-age mlebu ngomah luru pacul kanggo ngubur pitik mau. Dene Suprapti isih lemes nglempuruk ana ing kursi sudut ruang tamune.

            Sawise ngubur pitik mau, Pardi marani bojone lan matur “ Bu, ademke pikirmu. Ora susah dipikir jero-jero kuwi namung pitik mati kok.”

            “Hla kok bisa Pak, pitik mati pas ana ing ngarep omahe dhewe. Yen ora ana sing ngirimi ora bakal bisa ana ing ngarep omah ngono kuwi, Pak. Iki mesthi Pak Wagino kae sing ngirimi amarga wonge kan ora tau seneng karo awake dhewe, Pak. Dheweke kan seneng tumindhak culika marang keluwargane dhewe.” wangsulane Suprapti kanthi ngunus curiga.

            “Husssttt... Aja gawe pandakwa kaya ngono kuwi! Ora apik, bu. Wong ora ana apa-apa kok. Bisa wae pitik mau asale ketabrak montor, banjur kleyangan. Hla cilakane, matine kuwi pas ana ing ngarep omahe dhewe.” wangsulane Pardi kanthi ngyakinake bojone.

                                                            ***

            Pardi budreg amarga kedadeyan matine pitik kuwi ora amung kebacut pitik kang mati tanpa sebab ana ing ngarep omahe, nanging matine pitik kuwi wis bisa kebacut teror amarga sajerone telung dina kaluwargane Pardi dikirimi pitik mati kang wujude persis kaya ngono. Ora ngerti sapa lan apa sebabe kok bisa neror kaluwargane kuwi. Suprapti kang pancen nduweni watak cerewet, banjur cerita marang tangga teparone yen kaluwargane kuwi diteror karo wong kanthi dikirimi pitik mati ana ing sajerone telung dina iki. Tangga teparo kang krungu cerita Suprapti banjur nyaranake yen dheweke kudu matur menyang pulisi. Banjur Suprapti ngakon bojone kanggo ngubungi pulisi wae, nanging Pardi ora duwe panemu kaya ngono. Pardi penasaran karo wong sing neror kaluwargane. Saengga Pardi mutusake yen dheweke pingin nyelidiki dhewe sapa kang neror keluwargane kuwi.

            Wiwit jam siji esuk, Pardi lan Suprapti wis melek, ora duwe niatan turu amarga arep ngintik saka njero omah. Penasaran karo sapa kang wis neror kaluwargane ana ing sajerone telung dina iki.

Pas jam telu ana wong kang ngendhep-ngendhep mlaku nyedhaki omahe Pardi. Saka adoh samar-samar wong mau katon kaya wong wadon. Dedeg dhuwur lencir, kulit sawo mateng, nanging klambi lan rambute awut-awutan. Pardi namatake kanthi premati. Mak tratap atine Pardi kaget. Wong wadon kuwi Darsih, randha ayu kang tau dadi bojo enome Pardi nanging wis dipegat ana ing setaun mbiyene. Ujug-ujug Pardi kelingan kahanan mbiyene. Nalika Pardi mendhep-mendhep nylingkuhi Suprapti kawin karo Darsih. Nanging kahanan kuwi ora kaya kasunyatane. Pardi sebenere ora nduwe niatan kanggo nylingkuhi Suprapti lan Pardi asline ora duwe rasa tresna babar blas karo Darsih. Darsih pancen wis kesengsem banget karo Pardi nanging  Pardi nampik tresnane amarga wis duwe bojo Suprapti. Saking cuwane, Darsih nganti melet Pardi supaya gelem kawin karo Darsih sinaosa mendhep-mendhep tanpa ana wong sijia kang mangerteni, mligine Suprapti. Omah-omahe Pardi karo Darsih namung kelakon sesasi amarga Si Pardi disadarake karo Kyai Sapatalu, pelet kang tumemplek ing awake Parto diilangake Kyai Sapatalu. Tanpa mikir dawa-dawa Pardi nalak 3 Darsih banjur ninggalake Darsih kanthi rasa wirang marang wong wedok kuwi. Nalika bebojoan karo Darsih pancen polahe Pardi ora owah saka biyasane, mula Suprapti ora ngunus curiga babar blas karo Pardi. Nanging, kagete Pardi yaiku setaun ora keprungu kabare Darsih kok ujug-ujug neror kaluwargane kaya ngene.

            Suprapti kang melu ngintik karo Pardi, takon marang Pardi bener orane sing neror kuwi mbakyu Darsih randha ayu saka Desa Sisih. Banjur Pardi nyritakake lelampahan njaman mbiyene pas bebojoan karo Darsih. Mak tratap,  kaya-kaya disambar gludhug ing wayah awan-awan. Banjur Suprapti mlayu metu marani Darsih wanita kang wis gawe dukane. Wanita culika kang arep ngrusak omah-omahane karo Pardi.

            “Thuluuunggg.... Thuluuuungggg....” jerite Suprapti karo mlayu nyincing dastere.

            “Wanita ora duwe tata! Biadab! Culika kowe Darsih. Kowe melet bojoku, kok senggoh bojoku kuwi bisa kepincut karo kowe! Biadab kowe Darsih! Kowe arep ngganggu bojoku maneh?” ujare Suprapti kanthi duka.

            Suprapti mlayu marani Darsih kang ngguya-ngguyu tanpa duwe rasa salah. Ngranggeh rambute Darsih dijambaki lan diuncit-uncit. Ngaploki awake Darsih kang namung kari balung lan kulit. Dene Pardi sing ngerti bojone lagi ngamok Darsih langsung mlayu nututi Suprapti lan nyekeli dheweke supaya ora tambah ilang kendaline.

             “Wis ta Bu, eling aja ngono. Yen mbok antemi bisa mati mengko Darsih, mendhing dilapurake wae menyang pulisi.” larangane Pardi karo nyekeli awake Suprapti.

Tangga teparo kang krungu jerite Suprapti banjur gumegrah tangi, mlayu marani jeritane Suprapti mau. Tangga teparo padha kaget ngeti kahanan Darsih saiki. Sasuwene iki, Darsih pancen ngilang ora ana sing mangerteni kok malah ujug-ujug marani omahe Parto lan neror keluwargane. Mbuh merga apa, para tangga teparo ora padha ngerti. Sing cetha Darsih saiki wis bedha karo Darsih sing mbiyene. Mbiyen Darsih dadi randha ayu kang ditresnani kabeh wong lanang, saikine Darsih dadi wong edan gara-gara tresnane karo Pardi kang wis duwe bojo Suprapti. Edan gara-gara tresnane ditampik karo Pardi.

Tol Jagorawi
Dening Fitrianigsih

Mobil sedan ireng plat H kang takparkir ing parkiran kantorku, banjur age-age takputer. Sanalika aku langsung ngidhak gas. Dakpeksa ngebut ana dalan. Aku rak peduli dibengoki Darman saka adohan. Sing ana ing pikiranku namung kapiye anggonku bisa cepet tekan omah. Ora telat lan ora gawe cuwaning bojoku, Narsih.

Surup iku, jam 17.45 WIB aku lagi bisa balik saka kantor. Kamangka aku duwe janji karo bojoku yen aku bakal bali ngomah luwih gasik.  Ahhh... aku ngresula ing ati. Pancen dadi anak buah ya bisane namung nuruti kepinginane bose. Nanging pikiranku tak walik maneh, yen aku ora nuruti kepinginane bosku banjur saka ngendi aku bisa makani bojoku? Apa maneh yen mengko bojoku wis babaran. Aku ya mesthi bakal nguripi anak.

Mak tratab. Aku sadar saka lamunanku, amarga diklakson mobil abang mburiku. Owalah, jebul lampu traffic light wis ijo, nuduhake yen aku kudu ndang mlayokake mobilku maneh. Gas tak idhak kanthi cekatan. “Alah bajingan...” alokku kang ndeleng dalane kang macet total. Arep mundur ora bisa, arep maju ya ora bisa.

Dumadakan aku krungu nyanyiane Bruno Mars just the way you are. Owalah... jebul Androidku muni. Aku ditelpon bojoku, piye iki bojoku mesthi nesu-nesu. Saka adoh krungu suwarane bojoku kang lagi ngomel. Aku mung bisa mangsuli, “Sabar ya, Dhik... iki Mas isih ning dalan kena macet.” Saka adohan bojoku rasane wis cuwa ndenger aku bakal telat.

            Age-age aku ngidhak gas. Mobil sedanku tak playokake 90 km/jam. Aku ora peduli bakal kaya apa mengko mobilku bar tak bladrakake kaya ngene. Sing ana ing pikiranku namung siji kepiye anggonku bisa tekan ngomah lan bisa dinner karo bojoku. Kira-kira kurang setengah jam maneh aku tekan ngomah. Tanpa mikir dawa-dawa, gas tak idhak terus nganthi tekan 100 km/jam. Pas banget karo keadaan dalan kang lagi sepi.

Ngancik jam 18.06 WIB aku mlebu Tol Jagorawi. Sinaosa nembe jam semono Tol Jagorawi wis sepi tan ana kendaraan liya kang liwat. Dumadakan ana sak klebat bocah cilik mlayu nyebrang. Sanalika aku ngidhak rem. Gubraakkk... “Dhuh Biyung, aku nabrak wong,” alokku ngresula. Banjur cepet-cepet aku metu saka mobil, lingak linguk ana ing ngarep, mburi lan ngisor mobil. Lha kok ora ana wujud wong, nanging sing taktemoni namung wujud kucing kang guprat getih. Banjur kucing mau tak buwang ana ing pinggir dalan. “Sokur, namung kucing sing taktabrak,” omongku lirih.

Sawise tekan ngomah aku disambut karo bojoku Narsih.

“Mas, jenengan kok nembe kondur ta? Jare wangsul gasik?” pitakone bojoku kanthi praupan kang cuwa.

“E ladalah cah ayu... kok ya mecucu ta, Dhik?” godhaku karo ngrangkul wanita kang taktresnani kuwi.

“Lha Kangmas sampun nglanggar janji kok, dos pundi Adhik boten nesu?” wangsulane karo mecucu.

“Heh mrenea Dhik, tak critani kedadeyan mau,” omongku kanthi mantep banget.

            Banjur aku nyritakna kabeh kedadeyan sing bar tak lakoni mau. Awit aku dikon lembur karo bosku, kena macet lan kedadeyan kang nyalawadi ing Tol Jagorawi mau. Narsih ngrungokake critaku kanthi premati. Malah dheweke nyalahake aku amarga mbuwang kucing sing taktabrak mau, aku kudune ngubur kucing mau ora malah angger takbuwang kaya ngono. Bojoku wedi yen mengko bakal ana kedadeyan culika lan bakal enthuk sial nganti pitung dina amarga aku ora ngrumati kucing sing taktabrak mau.

            “Alah Dhik, jaman saiki wis maju. Ora susah percaya karo perkara ngono kuwi. Wis ora bakal ana apa-apa,” omongku karo mesam-mesem.

            “Mbok ampun ngoten Mas, wonten jaman sakmenika lak inggih marga wonten jaman mbiyene ta. Inggih mpun, mugi-mugi menika boten dados pratandha wonten kedadeyan culika ingkang badhe kalampahan, Mas.”

            “Ya wis ora susah dibahas maneh Dhik. Jan-jane wetengku kok wis krucukan ya Dhik,” omongku karo godha bojoku.

            “Eh lho inggih Mas, ngantos kesupen ta. Mangga Mas, dinner mawon.” wangsulane Narsih kanthi aleman.

            Aku kang digandheng namung bisa mesem mbalesi esem manise bojoku kang daktresnani mau. Nunut lakune bojoku kang nggandheng ning ruang makan. Bojoku pancen wanita kang kebak sih katresnan marang aku. Praupane kang ayu tur alus, ndadekake aku nandhang wuyung. Tan bisa ngeti wanita liya, amarga pancen atiku wis kecantol karo Narsih.

Sabubare mangan bareng, aku lan bojoku banjur lungguh ana ing ruang tipi, jejagongan leren karo ngisik-ngisik wetenge bojoku kang wis ngandhut anakku 9 wulan.

“Dhik, anake lagi nendhang iki lho. Sajake kok ya wis ora betah ning jero wetengmu iki,” omongku kanthi mesem ndelok Narsih. Bojoku namung mbales mesem.

“Mas jenengan boten saged cuti nggih? Mangke menawi kula babaran lah kula boten dikancani kaliyan Mas.” ature Narsih kanthi nyenden ana ing dadaku.

“Lha ya, mengko ibu lak ya sare wonten mriki. Mengko ibu sing ngancani kowe ning ngomah. Aku yen cuti ora bisa Dhik, mengko yen babaran aku lagi bisa njaluk cuti.”

                                                ***

Aku ngrasa ana sing aneh sabubare kedadeyan nyalawadi ing Tol Jagorawi kala wingi. Sedina sabubare kedadeyan iku, omahku dileboni ula kang ngosar ngoser ana jedhing. Bejane kok bojoku ora ngerti amarga aku ora kepingin dheweke kepikiran ala terus. Ana ing kantor aku ya dadi apes terus. Kerjaku kaya-kaya ora bisa bener ning ngarepane bosku. Asring didukani bosku amarga telat mangkat kerja merga kena macet ning dalan, sinaosa mangkatku ya luwih gasik saka biasane. “Wah... pancen yen lagi kena sial ora bisa dialangi,” nggremengku ngomong dhewe.

Dina candhake, telung dina sawise kedadeyan ning Tol Jagorawi kuwi aku ketemu wong lanang tua —klambine ireng, rambut putih lan gawa tongkat— ana Alfamart. Mbuh sapa wong kuwi aku ya ora ngerti. Sajake wong kuwi ndeleng aku kanthi premati, dideleng saka pucuk rambut nganti dlamakan sikil. Aku ya padha wae, ndeleng mripat wong tua iku mau. Sajake wong mau pingin ngomong karo aku. Banjur wong mau tak sumehi, nanging ora bales sumehku banjur ngendhika “Nang, siapna kembang setaman lan jajan pasar!” akone wong tua mau. Durung nganti aku takon maksute wong iku apa, e malah wong mau wis ninggal aku. Takbengoki nanging wong mau tetep mlaku emoh mandheg. Banjur aku mlebu mobil kanthi rasa penasaran. Maksute wong tua mau apa? Bathinku takon-takon. Ahhh... ora ana apa-apa. Aku nyoba jawab pitakonanku dhewe.

Mobil takgeblaske maneh menyang omah. Ning omah aku ora cerita apa-apa marang bojoku amerga kuwatir yen aku cerita mengko dheweke malah kepikiran. Kaya biasane, sawise kerja aku mesthi dolanan ndisik karo anakku sing isih ning wetenge bojoku. Takisik-isik lan takjak ngomong.

Ngancik limang dina sawise kedadeyan ana Tol Jagorawi, aku ngrasa yen sial-sialku wis rada ilang. Nanging dumadakan aku enthuk telpon saka ibu. Saka adohan aku krungu suwarane ibu, “Nang, cepeta ning omah sakit ya, iki bojomu kelaran kayake arep babaran.” Mak tratap atiku krungu ibu ngendhika ngono. Banjur aku langsung menyat nggeblas mlayoke sedan irengku ning omah sakit Fatmawati. Atiku ora karuan. Tekan omah sakit, aku takon ibu kepiye keadaane bojoku. Ibu ngendhika yen bojomu isih kelaran durung bisa babaran.

“Dhik, piye keadaanmu?” takonku melas.

“Lara, Mas...” wangsulane nangis.

Kanthi telaten aku nunggoni keadaan bojoku sing wis ora duwe daya. Mung lemes tanpa tenaga. Ngrintih kelaran nanging ora bisa netesake luhe maneh. Saya dina saya pasi praupane.

Rak tegel ngeti keadaane bojoku aku langsung metu saka kamar. Lungguh nggejegrek ana bangku dawa. Ngempetake luh kang tumiba ing pipiku. Ora bisa nahan maneh luh kang tumetes mau kanthi rasa welas sihku marang Narsih. Dumadakan aku kelingan kedadeyan-kedadeyan sial kang wis kelakon sadurunge bojoku arep babaran. Sanalika uga aku eling omongane wong tua —sing taktemoni ning Alfamart— kuwi, aku dikon cawis kembang setaman lan jajan pasar. “Apa iki maksute wong tua kuwi?” takonku lirih.  Mbregas aku age-age lunga tuku kembang setaman lan jajan pasar kaya kang diomongake wong tua mau. Banjur takgawa menyang Tol Jagorawi, pase ana ing papan olehku nabrak kucing ana ing pitung dina kepungkur. Ning kono uga aku njaluk ngapura menyang barang-barang sing ora bisa dideleng kanthi mata. Njaluk digampangna olehe babaran bojoku.

Sarampunge aku njaluk ngapura ning kono, aku bali menyang omah sakit. Bojoku bisa babaran. Atiku senenge ora karuan. Dokter kang nangani bojoku ngendhika yen bojo lan anakku selamet. Sanalika aku sujud sokur. Banjur aku nemoni bojo lan anakku. Mak tratab, atiku kaget nalika ndeleng kahanane anakku kang cacat. Kupinge anakku wadon kaya kucing. 

Sejarah Macapat

Sejarah

Macapat minangka sebutan metrum puisi jawa tengahan lan jawa anyar, sing nganti saiki isih ditresnani masarakat, nyatané pancèn angèl dilacak sajarahé. Poerbatjaraka mratélakaké yèn macapat lair bebarengan karo geguritan abasa jawa tengahan, nalika macapat wiwit dikenal, durung diweruhi sacara premana. Pigeaud duwèni panemu yèn tembang macapat dipigunakaké ing wiwitan periode Islam. Pratélan Pigeaud sing asipat informasi kira-kira iku isih perlu diupayakaké kacocogan tauné sing mesthi. Déné Karseno Saputra ngira-ira adhedhasar analisis marang sawetara panemu lan pratélan. Yèn nyata pola metrum sing dipigunakaké ing tembang macapat padha karo pola metrum tembang tengahan lan tembang macapat tuwuh ngrembaka sairing karo tembang tengahan, mula banjur dikira-kira yèn tembang macapat wis ana ing kalangan masarakat saora-orané taun 1541 masèhi. Pangira-ira iki adhedhasar angka taun sing ana ing kidung Subrata, Juga Rasa Dadi Jalma = 1643 J utawa 1541 masèhi. ( Saputra, 1992 : 14 ) Bab iki adhedhasar pola metrum macapat sing paling wiwitan sing ana ing kidung Subrata. Watara taun iku tuwuh geguritan abasa jawa kuno, jawa tengahan lan jawa anyar yaiku kekawin, kidung lan macapat. Taun pangira-ira kuwi cocog uga karo panemuné Zoetmulder luwih kurang ing abad XVI ing jawa urip bebarengan telu basa, yaiku jawa kuno, jawa tengahan lan jawa anyar. Jroning Mbombong manah I ( Tejdohadi Sumarto, 1958 : 5 ) disebutaké yèn tembang macapat ( sing nyakup 11 metrum ) diciptakaké déning Prabu Dewawasesa utawa Prabu Banjaransari saka Sigaluh ing taun Jawa 1191 utawa taun Masèhi 1279. Ananging miturut sumber liya, macapat ora mung diciptakaké déning sawiji uwong, nanging déning sawetara wali lan bangsawan. ( Laginem, 1996 : 27 ). Para pancipta iku yakuwi Sunan Giri Kedaton, Sunan Giri Prapen, Sunan Bonang, Sunan Gunung Jati, Sunan Murya, Sunan Kali Jaga, Sunan Drajat, Sunan Kudus, Sunan Geseng, Sunan Majagung, Sultan Pajang, Sultan Adi Eru Cakra lan Adipati Nata Praja. Nanging miturut kajian ilmiah ana loro panemu sing duwèni prabédan ngenani lairé macapat. Panemu sepisan mratélakaké yèn tembang macapat iku luwih tuwa tinimbang tembang gedhé lan panemu kaloro suwaliké.

Kajaba panemu iku isih ana panemu liya ngenani lairé macapat adhedahsar perkembangan basa:

1.      Tembang macapat luwih tuwa tinimbang tembang gedhé Panemu pisanan nganggep yèn tembang macapat luwih tuwa tinimbang tembang gedhé tanpa wretta utawa tembang gedhé kawi miring. Tembang macapat timbul ing zaman Majapahit pungkasan nalika pengaruh kabudayan Islam wiwit surut ( Danusuprapta, 1981 : 153-154 ). Diandaraké déning Purbatjaraka yèn lairé macapat bebarengan karo kidung, kanthi anggepan yèn tembang tengahan ora ana. ( Poerbatjaraka, 1952 : 72 ).

2.      Tembang macapat luwih anom tinimbang tembang gedhé Panemu kaloro nganggep yèn tembang macapat lair ing wektu pengaruh kabudayan Hindu sansaya tipis lan rasa kabangsan wiwit tuwuh, yaiku ing zaman Majapahit pungkasan. Lairé macapat urut-urutan karo kidung banjur muncul tembang gedhé abasa jawa pertengahan, sabanjuré muncul macapat abasa jawa anyar. Lan ing zaman Surakarta wiwitan muncul tembang gedhé kawi miring. Wangun gubahan abasa jawa anyar sing akèh disenengi yaiku kidung lan macapat. Prosès pamunculané wiwit nalika lair karya-karya abasa jawa pertengahan sing biasa disebut kitab-kitab kidung, banjur muncul karya-karya abasa jawa anyar arupa kitab-kitab suluk lan kitab-kitab niti. Kitab suluk lan kitab niti iku mènèhi sumbangan sing gedhé marang perkembangan macapat.

3.      Tembang macapat adhedhasar perkembangan basa Jroning hipotesis Zoetmulder ( 1983 : 35 ) disebutaké yèn sacara linguistik basa jawa pertengahan dudu arupa pangkal basa jawa anyar, nanging arupa rong cawang singkapisah lan divergen ing basa jawa kuna. Basa jawa kuna minangka basa umum sajroning periode Hindu – Jawa nganti runtuhé Majapahit. Wiwit tekané pengaruh Islam, basa jawa kuna tuwuh miturut rong arah sing béda siji lan sijiné lan nuwuhaké basa jawa pertengahan lan basa jawa anyar. Sabanjuré, basa jawa pertengahan lan kidungé berkembang ing Bali lan basa jawa anyar kanthi macapat-é tuwuh ing Jawa. Malah nganti saiki tradisi panulisan karya sastra jawa kuna lan pertengahan isih ana ing Bali.

Sumber: http://jv.wikipedia.org/wiki/Macapat

Tembang Macapat



Macapat iku tembang tradhisional ing tlatah Jawa. Saben bait macapat duwèni baris kalimat sing diarani gatra, lan saben gatra nduwé sawetara guru wilangan (suku kata) tinamtu, lan dipungkasi nganggo uni pungkasan sing diarani guru lagu. Biasané macapat dimaknani minangka maca papat-papat, yaiku cara maca saben patang wanda (suku kata). Nanging bab iki dudu siji-sijiné makna, penafsiran liya uga ana. Macapat dikira muncul ing pungkasan jaman Majapahit lan wiwitané pengaruh Walisanga, nanging bab iki mung kanggo kahanan ing Jawa Tengah. Sebab ing Jawa Wétan lan Bali macapat wis dikenal sadurungé teka Islam.

Karya-karya kasusastran klasik Jawa saka jaman Mataram Anyar, umumé ditulis nganggo metrum macapat. Sawijining tulisan jroning wangun prosa utawa gancaran umumé ora dianggep minangka asil karya sastra nanging mung kayadéné 'daftar isi' waé. Sawetara tuladha karya sastra Jawa sing ditulis jroning tembang macapat kalebu Serat Wedhatama, Serat Wulangreh, lan Serat Kalatidha.

Puisi tradhisional Jawa utawa tembang biyasané dipérang dadi telung kategori: tembang cilik, tembang tengahan lan tembang gedhé. Macapat digolongaké kategori tembang cilik lan uga tembang tengahan, déné tembang gedhé arupa kakawin utawa puisi tradhisional Jawa Kuna, nanging ing jaman Mataram Anyar, ora dipatrapaké prabédan antara suku kata dawa lan cendhak. Saliyané kuwi tembang tengahan uga bisa ngarujuk marang kidung, puisi tradhisional jroning basa Jawa Tengahan.

Yèn dibandhingaké karo kakawin, aturan-aturan jroning macapat kuwi béda lan luwih gampang dipatrapaké jroning basa Jawa amarga béda karo kakawin sing didhasaraké marang basa Sangskerta, jroning macapat prabédan antara suku kata dawa lan cendhak dilirwakaké.

Aturan-aturan jroning macapat mau antara liya:

• Guru gatra : wilangan larik/gatra saben pada (Indonesia: bait).
• Guru wilangan : wilangan wanda (Indonesia: suku kata) saben gatra.
• Guru lagu : tibané swara wanda ing pungkasan ing saben gatra.

Déné, tembang utawa sekar sejatiné ana werna-werna. Lumrahé dipérang dadi telung jenis, yaiku: Sekar alit, sekar tengahan lan sekar ageng.

Étimologi

Macapat kerep dijarwakaké minangka maca papat-papat awit carané maca pancèn rinakit saben patang wanda. Nanging iki dudu siji-sijiné makna, penafsiran liyané uga ana. Sawijining pakar Sastra Jawa, Arps ngandaraké sawetara makna liya ing bukuné Tembang in two traditions. Sajabané sing wis kasebut ing dhuwur, makna liya yakuwi tembung -pat ngarujuk marang cacahing tandha diakritis (sandhangan) jroning aksara Jawa sing relevan jroning panembangan macapat.

Banjur miturut Serat Mardawalagu, sing dikarang d’ening Ranggawarsita, macapat minangka cekakan saka frasa maca-pat-lagu sing tegesé "nglgokaké nada kapapat". Saliyané maca-pat-lagu, isih ana manèh maca-sa-lagu, maca-ro-lagu lan maca-tri-lagu. Miturut ujaring kandha maca-sa klebu kategori paling tuwa lan diciptakaké déning para Déwa lan diturunaké marang pandita Walmiki lan ditangkaraké déning sang pujangga istana Yogiswara saka Kedhiri. Nyatané iki klebu kategori sing saiki disebut kanthi jeneng tembang gedhé. Maca-ro klebu tipe tembang gedhé yakuwi cacahing ‘’bait’’ (pada?) saben pupuh bisa kurang saka papat sauntara kuwi cacahing sukukata (wanda?) jroning saben bait (pada) ora mesthi padha lan diciptakaké déning Yogiswara. Maca-tri utawa kategori sing katelu yakuwi tembang tengahan sing miturut ujar diciptakaké déning Resi Wiratmaka, pandhita istana Janggala lan disampurnakaké déning Pangeran Panji Inokartapati lan sadulur. Wusanané, macapat utawa tembang cilik diciptakaké déning Sunan Bonang lan diturunaké marang para wali. 

 

Sumber: http://jv.wikipedia.org/wiki/Macapat

Tembang Macapat 2

Sekar Macapat utawa Sekar Alit

Macapat iki uga sinebut tembang macapat asli, kang umumé dienggo sumrambah ing ngendi-ngendi. Urut-urutané tembang Jawa iku padha karo lelakoning manungsa saka mulai bayi abang nganti tumekaning pati. Mungguh kaya mangkéné urut-urutané tembang kaya kang ing ngisor iki:

• Maskumambang: Gambaraké jabang bayi sing isih ono kandhutané ibuné, sing durung kawruhan lanang utawa wadon, Mas ateges durung weruh lanang utawa wadon, kumambang ateges uripé ngambang nyang kandhutané ibuné.
• Mijil: Ateges wis lair lan wis cetha priya utawa wanita.
• Sinom: Ateges kanoman, minangka kalodhangan sing paling wigati kanggoné wong anom supaya bisa ngangsu kawruh sak akèh-akèhé.
• Kinanthi: Saka tembung kanthi utawa nuntun kang ateges dituntun supaya bisa mlaku ngambah panguripan ing alam ndonya.
• Asmarandana: Ateges rasa tresna, tresna marang liyan (priya lan wanita lan kosok baliné) kang kabèh mau wis dadi kodrat Ilahi.
• Gambuh: Saka tembung jumbuh / sarujuk kang ateges yèn wis jumbuh / sarujuk banjur digathukaké antarane priya lan wanita sing padha nduwèni rasa tresna mau, ing pangangkah supaya bisaa urip bebrayan.
• Dhandhanggula: Nggambaraké uripé wong kang lagi seneng-senengé, apa kang digayuh bisa kasembadan. Kelakon duwé sisihan / bojo, duwé anak, urip cukup kanggo sak kulawarga. Mula kuwi wong kang lagi bungah / bombong atine, bisa diarani lagu ndandanggula.
• Durma: Saka tembung darma / wèwèh. Wong yen wis rumangsa kacukupan uripé, banjur tuwuh rasa welas asih marang kadang mitra liyané kang lagi nandang kacintrakan, mula banjur tuwuh rasa kepéngin darma / wèwèh marang sapadha - padha. Kabèh mau disengkuyung uga saka piwulangé agama lan watak sosialé manungsa.
• Pangkur: Saka tembung mungkur kang ateges nyingkiri hawa nepsu angkara murka. Kang dipikir tansah kepingin wèwèh marang sapadha - padha.
• Megatruh: Saka tembung megat roh utawa pegat rohe / nyawane, awit wis titi wanciné katimbalan marak sowan mring Sing Maha Kuwasa.
• Pocung: Yen wis dadi layon / mayit banjur dibungkus mori putih utawa dipocong sak durungé dikubur.

Sekar Madya utawa Sekar Tengahan

Macapat jenis iki kayadéné tembang Kidung kang asring dienggo rikala jaman Majapahit.

• Jurudemung
• Wirangrong
• Balabak

Sekar Ageng

Sekar macapat Ageng (gedhé) mung ana siji, yaiku Girisa. Yen dideleng seka angèlé, sekar macapat ageng kaya tembang Kakawin ing jaman kuna.

Guru Gatra Guru Wilangan

Supaya luwih gampang mbédakaké siji lan sijiné guru gatra, guru wilangan lan guru lagu saka tembang-tembang mau, bisa ditata jroning tabel kaya ing ngisor iki:

Sekar Macapat
Sekar Macapat	Guru gatra	Guru wilangan	Guru lagu
Mijil	6	10, 6, 10, 10, 6, 6	i, o, e, i, i ,u
Sinom	9	8, 8, 8, 8, 7, 8, 7, 8, 12	a, i, a, i, i, u ,a ,i, a
Dhandhanggula	10	10, 10, 8, 7, 9, 7, 6, 8, 12, 7	i, a, e, u, i, a, u ,a ,i, a
Kinanthi	6	8, 8, 8, 8, 8, 8, 8	u, i, a, i, a, i
Asmarandana	7	8, 8, 8, 8, 7, 8, 8	a, i, e, a, a, u, a
Durma	7	12, 7, 6, 7, 8, 5, 7,	a, i, a, a, i, a, i
Pangkur	7	8, 11, 8, 7, 12, 8, 8,	a, i, u, a, u, a, i
Maskumambang	4	12, 6, 8, 8	i, a, i, a, a
Pucung	4	12, 6, 8, 12	u, a, i, a
Jurudhemung	7	8, 8, 8, 8, 8, 8, 8	a, u, u, a, u, a, u
Wirangrong	6	8, 8, 10, 6, 7, 8	i, o, u, i, a, a
Balabak	6	12, 3, 12, 3, 12, 3	a, e, a, e, u, e
Gambuh	5	7, 10, 12, 8, 8	u, u, i, u, o
Megatruh	5	12, 8, 8, 8, 8	u, i, u, i, o
Girisa	8	8, 8, 8, 8, 8, 8, 8, 8,	a, a, a, a, a, a, a, a

• Macapat

MACAPAT

Alit

Mijil | Sinom | Dhandhanggula | Kinanthi | Asmarandana | Durma | Pangkur | Maskumambang | Pucung

Tengahan

Jurudemung | Wirangrong | Balabak | Gambuh | Megatruh

Ageng

Girisa

Sumber: http://jv.wikipedia.org/wiki/Macapat